Ekitaldien programazioa - Donostiako Musika Hamabostaldia

Aparteko izaera eta musikaltasuna dituen pianista hau marketinari eta antzeko sedukzio teknikei amore eman gabe iritsi da pianoaren zenitera. Hala ere, jarraitzaile gehien dituen artistetako bat da bere jeinutasun eta zuzentasunagatik.

Obra jendetsuak sortzeko joera zuen frantziar konposagile handiak bere Requiem zirraragarri eta distiratsuarentzat emandako argibideak jarraituz, gure bi orkestrak eta abesbatza narbarmenetako bi elkartuko ditugu barne-barnekoaren eta itzelezkoaren
arteko kontraste handiak dituen eta ezin erantzunezkoa den obra hau eszenaratzeko.

John Eliot Gardinerrek, bere orkestra eta abesbatza berriarekin batera, aldi erromantikoko programa koral aparta aurkeztuko digu. Bi obrek ospe handia izan dute 150 urte baino gehiagoan, eta, aldi berean, abesbatzentzako musikaren gailurrean daude. Mendelsshonek Gutenberg ohoratu zuen, eta Brahmsek
Hölderlin idazle erromantiko handia izan zuen inspirazio iturri.

New Yorkeko Filarmonikoaren zuzendaria eta Frantziako Irratiko Orkestraren maisu berria denak zuzenduta, Asiako orkestra handienetako bat den honek programa
baikorra prestatu du, Erroma gogora dakarten irudiekin eta Bomsoriren talentu liluragarriarekin, zeinak biolinerako kontzertu ezagunenetako bat interpretatuko duen.

Estatu Batuetako Sezesio Gerran, Walt Whitman poeta iparramerikar famatuak
kanpaina-ospitaleak bisitatzen zituen zaurituei eta hilzorian zeudenei konpainia egiteko eta etxekoei gutunak  dazten laguntzeko. Whitmanek The Wound-Dresser poeman jaso zituen bere bizipenak, eta 1988an John Adamsek musika sentibera eta goxoa konposatu zuen oraingoan Matthias Goerne baritono handiak errezitatuko
duen testu horrentzat.

Dvorakek obra ugari konposatu zituen. Horietako askok ospe handia badute ere, bi narbarmentzen dira guzien artetik, eta hamarkadak daramatzate hala: Biolontxelorako
kontzertua eta 9. Sinfonia, “Mundu Berria” bezala ezagutzen dena. Bi obrak New Yorken idatzi edo amaitu zituen, eta bigarrenak ordu hartan hasiberria zen amerikar kulturako gaiak aurkezten ditu.

Lau pieza sakratuak obra indibidualak dira bere baitan. Batzuk latinez idatzita daude, besteak berriz italieraz, baina guztiek dute operaren eragin nabaria eta guztiak
dira abesbatzentzat exijentzia handikoak. G. Verdik bere bizitzaren amaieran konposatu zituen, zortzi urteko epean.Txaikovskiren Laugarren sinfoniarekin Verdiren egiazko intimismotik soinu eztanda eta grina erromantikora igaroko gara.